بخاف م الحياه وبخاف م الممات
بخاف م اللى جاى وبرضوا م اللى فات
بخاف مره اخطي ف طريق
وف وسط المسافه اخاف م الطريق
بخاف امشي صح وبخاف امشي غلط
الفرق بينهم ف الزمان دا اختلط
بخاف م الضلمه وبخاف م النور
بخاف ف الضلمه اضل الطريق
و بخاف ف النور اشوف الحقيقه
الحقايق صعبة الحقايق مريره
بخاف اصحي و بخاف انام
بخاف لو اسهر تفوتني الاحلام
بخاف لو انام كتير يفوت الاوان
بخاف من كل حاجه و بخاف من اى حاجه
بخاف م القريب و بخاف م البعيد
بخاف م العدو وبخاف م الصديق
بخاف م الحقيقه اكترم الخداع
بخاف م الضمير اللى بيتباع

بخاف م اللى يوعد و يخلف وعيده
بخاف م اللى ف شدتي ميمدليش ايده
بخاف م الجراح اللى مبتندملش
بخاف م الذنوب اللى مبتتغفرش
و بخاف من صلواتى اللى مبتتقبلش
بخاف من كل حاجه و بخاف من اى حاجه

العيديه

خلاص
خلاص نسيتك و نسيت اللى راح
نسيت الجراح
و عايشه حياتى امحي من ذكرياتى اللى راح
نسيتك و نسيت الجراح
وبحاول انسي ان ف يوم كان ليك ف قلبي مكان براح
وعايشه حياتى سعيدة باهاتى
و بحس بعدك ان الامى كلها افراح
خلاص نسيتك و نسيت اللى راح
مبقتش احبك ولا اتمنى قربك ولا عايزه نتلاقى صدفه وافتكر اللى راح
ما تنسي انت كمان و كفايه اوهام
نسيتك دلوقتى زى ما نسيتني زمان
نسيتني زمان وانا منك قريبه و ليك حبيبه و ف حلمك شريكة
ونسيتك بعد الجراح بعد القسوه و الغياب
بحورك غريقه و انا مركب رقيقه
امواجك رهيبه و نواتك مخيفه
و شطك غريب ما ينجد غريق
وانا بحلم بشط فيه الامان
مكان تتحقق فيه الاحلام
بتوعد و تخلف
بتغير كلامك و بيتبدل غرامك
امرك عجيب ، لا قصدي مريب
يا سيدي نسيتك مستغرب ليه
مش حاسس بذنبك ولا ايه
اصل انت انانى ف بترجعلى تانى
و توعدني تانى و تخلف وعيدك
قرارى بايدي و قرارك بايدك
نسيتك خلاص

عن الصمت

دعني اتالم فى صمت..فتعبير الصمت عن الالم ابلغ
واسمحلى ان اضحك فى صمت..فانا لا اعرف شيء افضل
ودعنى افكر فى صمت..فحينها ستكون افكارى اكمل
وبعدها دعنى اعمل فى صمت..فحتما ادائي حينذاك افضل
واسمحلى ان احب فى صمت..فالحب الصامت يدوم اطول
وبعدها سيحق لى ان انسحب فى صمت..وهذا الانسحاب اسلم
والان هل تدرك قيمة الصمت ام على ان اقول اكثر
اتمني لو يمكن ان نتكلم فى صمت فيحنها ستكون الحياة اجمل

حين تسكت الالسن وتتكلم العيون،حينها..حين ذاك كل الحقائق تظهر
فما يعجز اللسان عن ذكره تصفه العيون بشكل افضل

والان هل ادركت قيمة الصمت وامنت بلغة العيون ام على ان اقول اكثر

سيدتي..
عذرا.. ليس هنالك ما هو اكثر تعبيرا من عين يسكن فيها الحزن و براءة الاطفال فيها تظهر
الان امنت بان الصمت افضل و اضحي صمتى اطول
فلا داع لقول ما هو اكثر والان..الان دعيني فى صمت اتامل ذاك المنظر
اتامل كذب ونفاق يخفيه جمال المنظر
اتامل قلب مجروح مذبوح تتوارى فى عيني صاحبه دموع قلما تظهر
اتامل امل يامل ان يامل احدهم ان يجعل من غده يوما افضل

حبيبتي مصر

جيالك يا مصر
وكلي حنين و شوقي كبير
لنيلك.. يا مصر
لزرعك.. يا مصر
لليلك و قمره يا حبيبتي يا مصر
لنهارك و شمسه اللي منوره كل عصر


مغبتش كتير بس مشتاقه يا مصر
مشتاقه لصحابي
مشتاقه لحبايبي و لكل قرايبي
مشتاقه لشوارع شهدت عليا رايحه و جايه بحبك يا مصر
شايله ف قلبي حلمي الكبير اشوفك يا غاليه فوق الجميع

رجعالك بأمل يدوب الام
و يدوب صعاب تهد الجبال
و بحلف بربي..بحبك يا بلدي
وحبي كبير و انتي غاليه كتير
يا حبيتي يا مصر....

حب الحياه

بحب الحياه لما تكون.. بيت شعر او لحظة جنون

بحب الحياه لـو كـل طير..حـــر مــش مسجون

بحب الحياه لوفيها..شوية سعاده جمب الشجون

بـــحب الحياه...مـن غــير ظالـــــم و مظلومـــــ

****

يا ناس

يتحب ايه فيها

والظلم ماليها

والكلمه عيب فيها

والحزن معشش عليها

والبشر مسجونين فيها

مشاعر

مشاعر بتتباع بارخص الاتمان
وعيون بتنام وتحلم بالامـــــــان
وتصحى تلاقى كل شئ زي ما كان
مشاعر بتتوه
بتتوه وهي بتدور على قلب مفتوح
فالاخر مش بتلاقى غير قلب مجروح
مشاعر بتضيع
بتضيع وهي ف وسط الطريق
وبيتكمل الطريق من غير رفيق
مشاعر بتهون
بتهون حتى على عاشق مجنون
وتظن بحبيبك اسوء ظنون

انا عارفه...

انا حاسه انك موافق وببعدى عنك سعيد
ولا حتى بكيت عليا ولا خفت من غدر الدنيا بيا

انا حاسه ان البعد عادى ولا همك وجع بعادى
ولا حتى بتقول يا ريتني ما ظلمتها وجرحت فيها

انا حاسه انك ظالمنى ولا يوم كنت حاببني
ولا حتى صعبت عليك يوم ما قلت هتسيبني

انا حاسه انك نهايه ومليش بعدك بدايه
ولا حتى فرصه واحده احس الحب فيها

انا حاسه انك حبتها ونسيت حبى ليك
ولا حتى فكرت فيا انا اللى دبت فيك
******
انا عارفه انك بتقسي وبتحاول يا حبيبي تنسي
ولا عمرك هتفكر فيا ولا تحس بدموع عنايا

انا عارفه انك ناسيني ولا عمرك هتحلم تلاقيني
ولا يمكن هيحن قلبك او تتمنى ترجع لحبي

انا عارفه انك ليها وبكره هتعشق عنيها
ولا يمكن ساعتها تفكر ف اللي حلمت لو تلمس ايديها

انا عارفه انى بكره هبقي ذكرى مش هتحن ليها
وبعيد ف يوم تفكر الدنيا عملت ايه فيها

تايهه

تايهه فيكي يا دنيا مـش لاقـــيه ليا دار
تايهه ف وسط الصحرا بتكـويني وحـده ونـار
تايهه وضايعه لوحدي بسـتني بعد الضلمه نهار
تايهه ما بين الشوك بدور على ورد ملقتش غير صبار
تايهه بخبي دموع اخاف تفضح قلبي المكسور

يارب

رفعت لربي شكوتى وعلى خدى دمعتى
سئلته ينورلى الطريق لاخر رحلتى
ف خوفى و ضعفى و وحدتى..وحزنى وشدة ازمتى

بلاقى الحل بين سجادتى وسبحتى
ذكرك يا ربي بيخفف من شدة ازمتى
يارب..نورلى الطريق وابعتلى رفيق يونس وحدتي،
وبدل ما الدنيا تلعب بيا تبقي هي لعبتي

بستني يارب حكمك ف قضيتي

سؤال..؟

ليه بلاقيك دايما بعيد لما احتاجلك اكلمك
بيبقي نفسي اكلمك.....اطمن عليك واطمنك
نفسي احس ان حبي بيملكك
وحبي عن الكون يشغلك
وبعدى عنك بيقلقك