الجمعة، 19 أكتوبر 2007

بنوته صغيره

زمان وانا صغيره
كنت بنوته شقيه وقصيره
وشعرى الحرير،اسود طويل..خصلاته دايما مضفره
وعيونى المدوره
كانت بلون طمي النيل دايما منوره

ايامها كانت كل فساتيني قصيره_مانا كنت لسا صغيره_
وكانت ضحكتي بتغير الوشوش المتكدره
*****
عدت شهور وسنين حصل فيهم حاجات كتير
فكيت الضفيرتين وشعرى الطويل خليته قصير
مكانش شكلى بس اللى حصله تغير
بقيت ابص ف مرايتي واقول لنفسي..انتى مين ؟؟
عيوني الحلوين بقيوا مطفيين
فين الشقاوه والبراءه ؟؟ راحوا الاتنين
*****
بياخدني الحنين لايام فاتت عليها سنين ،كنت بنوته صغيره شايفه كل حاجه منوره وبتحلم بحاجات متقدره ،مع ان لسا على الحلم سنين....وبعد السنين لقت الاحلام متدمره

الأحد، 19 أغسطس 2007

لقد احببتك حقا

حاولوا ان يصفوا لى كم انت سيئ ، لكن دائما ما كنت ادافع عنك....
كنت اراك فارسي و منقذي ،وجدت معك احساسا لم اعشه من قبل . عرف قلبي الصغير الحب على يديك....

اتذكر كم امطرتنى بكلمات الحب والغرام وكم وعدتنى بان نكون معا.رسمت لى غدنا ولونته بلون الحب الوردى.
لم يعد فى قلبي حبا الا اليك...ملاء قلبي شوقى اليك
تسبقنى دموعى وان ااحكي عن حبنا الذي بات شريدا فى هذا الكون
اتعجب من هذا البرود الذى ملاء قلبك هل نسيتني ام تتناسانى
لن اتوسل اليك لتعيد الماضي كما كان لن انتظر عودتك لتمسح دموعى لن اتوقع منك الا مزيدا من الجراح وساحاول تجنبها.
لكن اطلب منك طلب اخير ...اسمحلى ان احيا..حررنى من حبك لن اتحمل فكرة ان ترانى الخائنه
عجزت كلماتى ف الماضي عن وصف احساسي ولا زالت عاجزه...
لكن لدى كليمات ربما تقدر على وصف احساسى ناحيتك!!!ساقولها وليكن ما يكون
((لقد احببتك حقا))
فهل استحققت حبي ام كنت مجرد لعبه لعبت بها حتى سئمتها

من الليله دى

من الليله دى مش هغمض عينيا وانده عليك
من الليله دى هحرم على قلبي يشتاق اليك
من الليله دى هبطل احلم تيجي واشوف عينيك
من الليله دى هرسم فى بكره ملكش وجود فيه
من الليله دى هعلم قلبي ان عادى تغيب عليه
من الليله دى هعرف امسح دموع قلبي واضحك عليه
من الليله دى خلاص قلبى مبقاش وحيد
من الليله دى انت فى قلبي مش اكتر من جرح جديد

الأربعاء، 15 أغسطس 2007

انا هنسي

هنسي كل حاجه قلتهالى
هنسي كل لحظه عشتهالى
هنسي كل كلمة بحبك قلتهالى
هنسي الدموع اللى الوحده علمتهالى
هنسي جراح كتير حبك سببهالى
اذا كان انت نسيت,وجرحت بعد ما داويت,وبعت بعد ما شريت ...يبقي انا لازم انسي اكيد..وادور على حب جديد

الجمعة، 10 أغسطس 2007

حب ضائع

ضاع الحب وضعت معاه
لو كنت كرهته كان سهل انساه
صبرنى ياربي على بعده عني وصبرنى كمان على قسوة قلبه
مبتداه..
حبيته يا ناس والقلب هواه وعشقته كلامه وسهرت ليالي احلم بلقاه
ياما قالى كلام حسيت معناه و وعدني وعود عشتها وياه
منتهاه..
ضيعني جبيبي وضيع قلب كان عايش علشان يهواه
وسابني اتندم على حب عاش ف الخيال وهكمل لحد امتى على دا الحال

عمرى ف يوم ما هسامح

عمرى ف يوم ما هسامح**مين كان قاسي عليا وجارح
مع ان القلب اللى يحب**ولا يقدر يوم الا يـسـامـح
ياما قالولى الحب عذاب وجراح **وقالوا حبيبي جارح
كان لا يمكن ساعتهااصدق**لكن صـدقت يادوب امبارح
لو يقسي قلبه عليا ف يوم **هفتـكر ليلة امبارح
لما ســـمعني احلى كــلام**ولقيت خيـالى فيه سـارح

الأربعاء، 8 أغسطس 2007

لا للحب

هناك اناس يلقي لنا بهم القدر فنشعر انهم خاتمة الاشياء الجميله يأتون الينا بعد طول انتظار..فنتمسك بهم،يكونوا لنا الحب..الدفء والمستقبل المشرق .
وعندما نسطر السطور الاولى لمستقبلنانجعلهم مرتبطين بكل نجاح به ،نعيش بهم ومن اجلهم نتفنن فى ارضائهم ونجعل همنا هو رسم البسمه على شفاههم
نكون على استعداد تام للتضحيه بأي شئ مقابل العيش بين احضانهم ليس من اجلنا ولكن من اجل اسعادهم
...احيانا نرتكب الاخطاء فى حق اقرب الناس الينا بسببهم،ولا نتوقف عند هذا ولكننا نكون على استعداد تام لتقديم المزيد وبدون مقابل
ولكننا نصل الى مرحله يصرون فيها على تقديم مقابل _كأنها مكافئة اخر الخدمه،فيقومون بتعذيبنا وايلامنا وعندما نكتفى من افعالهم ونحاول نسيانهم نتذكر ما جمعنا بهم فنلوم انفسنا ولا نلومهم ف الحب الذي جمعنا لا يستحق النسيان
عندها يزيدون قسوه فنفقد الامل فى رجوعهم ونفقد الحب والدفء ..نفقد انفسنا بفقدانهم فلقد كانوا لنا اغلى من انفسنا
وبالرغم من كل هذا نختار الطريق الصعب والبقاء على حبهم لاخر نبضات القلب..نتحمل جروحنا بمفردنا ،نمسح دموعنا بأيدينا ونكتمها احيانا فى احداقنا
نظلم انفسنا واخرين طرقوا ابواب قلبنا ظننا منهم انه اصبح خاليا
يعلقون على بقايا قلوبهم لافته مدادها حبر القلب تقول )لا للحب)