السبت، 5 ديسمبر، 2009


بخاف م الحياه وبخاف م الممات
بخاف م اللى جاى وبرضوا م اللى فات
بخاف مره اخطي ف طريق
وف وسط المسافه اخاف م الطريق
بخاف امشي صح وبخاف امشي غلط
الفرق بينهم ف الزمان دا اختلط
بخاف م الضلمه وبخاف م النور
بخاف ف الضلمه اضل الطريق
و بخاف ف النور اشوف الحقيقه
الحقايق صعبة الحقايق مريره
بخاف اصحي و بخاف انام
بخاف لو اسهر تفوتني الاحلام
بخاف لو انام كتير يفوت الاوان
بخاف من كل حاجه و بخاف من اى حاجه
بخاف م القريب و بخاف م البعيد
بخاف م العدو وبخاف م الصديق
بخاف م الحقيقه اكترم الخداع
بخاف م الضمير اللى بيتباع

بخاف م اللى يوعد و يخلف وعيده
بخاف م اللى ف شدتي ميمدليش ايده
بخاف م الجراح اللى مبتندملش
بخاف م الذنوب اللى مبتتغفرش
و بخاف من صلواتى اللى مبتتقبلش
بخاف من كل حاجه و بخاف من اى حاجه

هناك 7 تعليقات:

blue-wave يقول...

اللللللللللللللللله
كلمات اكثر من رائعه

Tears يقول...

الخوف طبيعة فى المرأه فدائما ما نشعر به و نسعى للحماية الوجدانية مهما كانت قوتنا

micheal يقول...

الخوف هو المفتاح الحقيقي للإنسان
تحياتي

The Queen يقول...

رااااااائعة
جمعتي كل اللي بنخاف منه فعلا
وللاسف طلع اللي بنخاف منه كل حاجه
اسمحي لي باضافتها لمدونتي في " اجمل ما قرات " ولك تحياتي

غير معرف يقول...

مصر فى مهب الريح

فى خلال الثلاثين عاما الماضية تعرضت مصر الى حملة منظمة لنشر ثقافة الهزيمة بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 – العدالة الاجتماعية .. وأطفال الشوارع والذين يملكون كل شىء .
5 – ضرورة الاتحاد مع السودان لتوفير الغذاء وحماية الأمن القومى المصرى.
6 – رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.

لمزيد من التفاصيل أذهب إلى مقالات ثقافة الهزيمة بالرابط التالى www.ouregypt.us

هيثم باشا يقول...

بجد كلمات رائعة يشرفنى زيارتك لمونتى

Uouo Uo يقول...

thx

مؤسسه تنظيف