السبت، ١٩ سبتمبر ٢٠٠٩

العيديه

خلاص
خلاص نسيتك و نسيت اللى راح
نسيت الجراح
و عايشه حياتى امحي من ذكرياتى اللى راح
نسيتك و نسيت الجراح
وبحاول انسي ان ف يوم كان ليك ف قلبي مكان براح
وعايشه حياتى سعيدة باهاتى
و بحس بعدك ان الامى كلها افراح
خلاص نسيتك و نسيت اللى راح
مبقتش احبك ولا اتمنى قربك ولا عايزه نتلاقى صدفه وافتكر اللى راح
ما تنسي انت كمان و كفايه اوهام
نسيتك دلوقتى زى ما نسيتني زمان
نسيتني زمان وانا منك قريبه و ليك حبيبه و ف حلمك شريكة
ونسيتك بعد الجراح بعد القسوه و الغياب
بحورك غريقه و انا مركب رقيقه
امواجك رهيبه و نواتك مخيفه
و شطك غريب ما ينجد غريق
وانا بحلم بشط فيه الامان
مكان تتحقق فيه الاحلام
بتوعد و تخلف
بتغير كلامك و بيتبدل غرامك
امرك عجيب ، لا قصدي مريب
يا سيدي نسيتك مستغرب ليه
مش حاسس بذنبك ولا ايه
اصل انت انانى ف بترجعلى تانى
و توعدني تانى و تخلف وعيدك
قرارى بايدي و قرارك بايدك
نسيتك خلاص

هناك ٨ تعليقات:

blue-wave يقول...

كلام ولا اروع بصراحه
تحياتى

حـــــروف متــبعترة " عــمرو الشــايب يقول...

كل سنة و انتى طيبة

و ها اخدتى عدية كاااام ؟؟؟

ههههههههههه

سؤال كنا بسنالوا لبعض و احنا صغيرين

أبو كريم يقول...

كلامك رائع

وزى ما سأل عمرو وائل خدتى قد إيه عيديه؟

ياريت الأيام دى ترجع والحصاله بتاعة العيديه

NilE_QueeN يقول...

blue-wave

اشكرك دا بس مش زوقك العالى

3mr wa2el

وانت بالصحه و السلامه
دا سؤال كنا فعلا بنسئله لبعض واحنا صغيرين


ابو كريم

تعليق حضرتك هو اللى رائع

حاليا حصالتى بقت حساب ف البنك

micheal يقول...

طب ما احنا بنكتب حلو أهو
أمال ليه مفيبش بوستات جديدة بتنزل
:(

NilE_QueeN يقول...

انت عايزني اطلع اللى تحت البلاطه ولا ايه

المشكله انى مش متعوده انى اعبر عن مشاعري
و المشكلة الاكبر ان افكارى مرتبطه بمشاعري

dina يقول...

بحورك غريقه و انا مركب رقيقه
امواجك رهيبه و نواتك مخيفه
و شطك غريب ما ينجد غريق
وانا بحلم بشط فيه الامان

لا دا لازم يتنسى فعلااااااااااا
كل سنة و انتى طيبة

غير معرف يقول...

كلش حلو