بحب الحياه لما تكون.. بيت شعر او لحظة جنون
بحب الحياه لـو كـل طير..حـــر مــش مسجون
بحب الحياه لوفيها..شوية سعاده جمب الشجون
بـــحب الحياه...مـن غــير ظالـــــم و مظلومـــــ
****
يا ناس
يتحب ايه فيها
والظلم ماليها
والكلمه عيب فيها
والحزن معشش عليها
والبشر مسجونين فيها
هناك ١٠ تعليقات:
السلام عليكم ورحمة الله وبركاته
ليه الشرف طبعا انى اكون اول تعليق
حب الحياه الله عنوان جميل اوى
منطقى اوى البيت دى
بحب الحياه لوفيها..شوية سعاده جمب الشجون
اصل ازاى هنحس بطعم السعاده من غير ما نحزن شويه
حبى الحياه زى ما هى ما تستنيش تكون على مزاجك عشان تحبيها
بحب اوى الاغنية بتاعت سعد عبد الوهاب
الدنيا ريشه فى هوا طايرة ما بين جناحين ايحنا النهارده سوا وبكره هنكون فين فى الدنيا فى الدنيا
يالى بتسأل عن الحياه خدها كده زى ما هى فىها ابتسامه وفيها اه فيها قسيه وحنيه ياما الحياه فيها الى بيشكيها والى يقاسيها والى بيرضيها
الحياه اجمل ما فيها التنوع
واحسن حاجه نعملها عشان نستمتع بحب الحياه ان ايحنا كمان نتنوع
بوست رائع كلماتك دايما بسيطخ ومجمله وفى نفس الوقت تحمل معانى كثيره للتعبير
دومتى بألف خير
وكل علم وانتى طيبه والى الله اقرب وفى طاعته ادوم
والسلام عليكم ورحمة الله وبركاته
عليكي سلام الله ورحمته وبركاته
انا يشرفنى تعليقك عندي
ويسعدني رئيك الجميل ف كلامى
بس معلش بقي
الدنيا يا تبقي حلوه يا هفضل على موقفى منها
والسلام عليكي ورحمته وبركاته
مبسوط إني قريتلك حاجه اخيرا
ياريت تكوني شاده ف الدروس والموذاكره
---
مش تزعلي علشان إزاز . هترجع قريب
سلام
--
الحياه صعبه و تتعاش
وحشه وتتحب
كتابتي ف المدونه دي لا تدعوا لانبساط حقيقة فكما ترى كلها مشاعره كئيبه وما جمل فيها انها استغلال جيد لشئ سيئ
عن المذاكره والدروس اديني بحاول
______
لاء انا زعلانه لحد اشعار برجوعها
____
هي اه صعبه وتتعاش مفيش مفر
لكن تتحب دي ابدا
اول زيارة لى فى المدونة
ماشاء الله المدونة جميله والبوستات اجمل واجمل
سعيد جدااااا بزيارتى هذه للمدونة
وباذن الله لن تكون الزيارة الاخيرة
تقبلى تحياتى
http://agml-qlb.blogspot.com/
السلام عليكم ورحمة الله وبركاته
بقى بعد ما غنتلك اغنية سعد عبد الوهاب ولكى ان تعلمى من هو سعد عبد الوهاب
وبعد المقدمة الطويله العريضه دى انتى ما زلتى على موقفك
ملكه صدقينى عشان تغيرى الى حواليكى لازم تبدئى بنفسك الاول مش بقول انك محتاجه تتغيرى لا انتى محتاجه تتأقلمى مع الحياه كده عشان تقدرى تتعايشى معاها وبعد كده تغيريها زى ما انتى عايزه
نظرتى الى الحياه كنظرتى الى الطفل الذى يحتاج الى الترويد ثم بعد ذلك تبدئى فى التغيير
انتى عارفه يا ملكه انا لسان على الفاضى ما تفتكريش بكلامى دى الحياه ماشيه معايه زى الفل لا بس بحاول اساعد الناس يمكن وسطهم اقدر اساعد نفسى
دومتى بخير وياريت اكون قدرت اضفلك شئ
وكل عام وانتى الى الله اقرب وفى طاعته ادوم
ورمضان كريم عليكى وعلينا ومجتمعين دوما فى حب الله
والسلام عليكم ورحمة الله وبركاته
واحد ميت
ليا الشرف بزيارتك للمدونه
______________
مؤمنه
سلام الله عليكي ورحمته وبركاته
اولا انا معرفش مين عمو دا
ثانيا انا كلمتى مرجعش فيها خالص
بس هحاول اظبط امورى
بحب انك فيها
كل سنة وانتي طيبة
الحقيقية انا بتفق مع راي اخت مؤمنه ان التغيير يبدا من الشخص ثم يعكس ذلك التغيير علي بقيه الناس
تقبلي تحياتي
وكل سنه وحضرتك طيبة
ورمضان كريم
اول زياره ليا
بس عجبتى مدونتك جدا
عموما دى اكتر حاجه لفتت انتباهى
و لى ان هاجت الاحقاد قلبا كقلب الطفل يغتفر الذنوب احب الخير للدنيا جميا وان اك بين اهليها غريبا واذا ما نعمة وفت لغيري شكرت كان لى فيها نصيبا تفيض جوانحى بالحب حتي اظن الناس كلهم الحبيب
جامده
دمتى بكل الود
إرسال تعليق